විදුහල්පති පණිවිඩය

දිනෙන් දින විශිෂ්ටත්වය කරා පිය නගන , වසර එකසිය හතරක තරම් දිගු ඉතිහාසයකට උරුමකම් කියන, අප පාසල දකුණු පළාතේ , ඉතා දර්ශනීය භූමි භාගයක පිහිටා ඇති දීප්තිමත් පාසලකි .
ක්‍රීඩා , සෞන්දර්ය , කලා විෂයයන් මෙන් ම , විවිධ අංශයන්හි හැකියාවන්ගෙන් යුතු අප පාසල් දරුවන් කලාප , පළාත් , සමස්ත ලංකා මට්ටමේ ජයග්‍රාහක ජයග්‍රාහිකාවන් බවට පත් වී ඇත.
රට වෙනුවෙන් යුග මෙහෙවරෙහි යෙදෙන්නා වූ , උසස් මට්ටමේ විවිධ වෘත්තීන්හි යෙදෙන කීර්තිමත් ආදි ශිෂ්‍ය පරපුරක් ද අප පාසල සතු ය.

මේ වන විට සියලු පහසුකම් සහිත , තොරතුරු තාක්ෂණ අංශයක හිමිකාරීත්වය අප පාසල් දරුවන් ලබා ගෙන ඇත.. සිසු දරුවන්ගේ ඉදිරි ගමනට එය මහත් පිටිවහලක් වනු ඇත.

විවිධ පාර්ශවයන් සමඟ අන්තර් සම්බන්ධතා පවත්වා ගැනීමේ අරමුණෙන් ආරම්භ කළ , මෙම වෙබ් අඩවිය ද , ඊට මහත් රුකුලක් වනු ඇතැ'යි මම විශ්වාස කරමි.
අප පාසල හා සම්බන්ධ සියලු හිතෛෂී පාර්ශවයන්ට , මෙම වෙබ් අඩවිය හා සම්බන්ධ වී , පාසලේ අභිවෘද්ධියට සහය දක්වන මෙන් , සියලු පාර්ශවයන්ට ආරාධනා කරමි...

මෙම කර්තව්‍ය සපල කර ගැනීමට අතහිත දුන් සියලු දෙනාට ම , මාගේ හද පිරි ස්තුතිය පිරිනමන අතර, අප දරු දැරියන් නුවණින් , ගුණයෙන් පිරිපුන් ව , දිනෙන් දින සාර්ථකත්වයට පත්වේවා'යි ප්‍රාර්ථනා කරමි.

විදුහල්පති .

මාර / තලල්ල දකූණ ද්විතීයික පාසල